بحبــــك .. والسلام ختام

بحبــــك .. والسلام ختام

بحبك لو تكفيكي

أعبيلك كفوفي غرام

وأشوفها قليلة عليكي

لو أملي الدنيا شوق وهيام

بتسحرني قوي عنيكي

ما بالك لو سمعت كلام


*****

بحبك لما بتغني

ولما غناكي يوصلي

بحب الشمس في عيونك

وشعرك لو يكون ضلي

وأحبك لما أكون صاحي

وأحبك حتي في الأحلام


*****

بحبك لما بندهلك

ولما عنيكي تندهلي

وأحبك لما تغنيني

عن الدنيا وعن أهلي

وأحبك لما بشتقلك

ولما بتجرح الأيام


*****

بحبك لو تكوني مي

وأحبك لو لقيتك شهد

وأحبك لو جرحتيني

ولو صونتي ووفيتي العهد

بحبك بس مش عارف

أقولك تاني أي كلام

ما أنا لو قولت أي كلام

مفيش والله أي كلام

يكون يوصف

ومهما هقول

ومهما أحلف

بلاقي لساني متكتف

بيحلفلي ما عندة كلام

أقول حاجة ؟

بحبك يلاا بااااي وسلام







أحمد فاروق أحمد
شاعر حروفي دموع